عدد الزوار

free counters

الأحد، أكتوبر 11، 2009

الباب اللى يجيلك منه الريح سده واستريح

ثلاثة براويز ستجدها في مكتب اي مسئول ..
الأول يحمل صورة رئيس الدولة والثاني يحمل المعوذتين والثالث المثل المصري الباب اللى يجيلك منه الريح سده واستريح ..
او المثل الاخر اقطع عرق وسيح دم ..

بدون دراسة متأنية أو بحث علمي للظروف والواقع في بلدنا مصر الحبيبة واجهت الحكومة كارثة انفلونزا الطيور ومن بعدها انفلونزا الخنازير وكذلك المشكلة الامنيه في النقاب ..
ففي الطيور تعاملت الحكومة بمنطق اقطع عرق وسيح دم ومش عايزين مشاكل بمنطق ساذج جدا مفاده انه لو مفيش طيور يبقى مفيش انفلونزا طيور ..
( أموت في الفهلوة المميته ) قالك ادبح ادبح ادبح ... وعبي عبي عبي في تلاجات .. والنتيجه ان مصر مازالت من الدول المتوطن بها الفيروس ..

في انفلونزا الخنازير اخذت قرار بدبح الخنازير والمرة دي مفيش عبي عبي عبي في ادبح ادبح ادبح ..احرق احرق احرق ..

أخيرا في مشكلة النقاب والتى جعلوا منها مشكلة مع انها ابسط ما تكون ..
مشاكل النقاب في مصر وقد تكون في اي دولة هي التخفي والتستر وراء النقاب .. مشاكل امنيه
بدون اي تفكير وطبقا للقاعدة الادارية الفكيكة " اقطع عرق وسيح دم " صدر قرار منع النقاب ..

قبل اتخاذ اية قرارات ينظر الى عدة اشياء مثل :
شرعية القرارات
قوة ردة الفعل
ماذا اذا تراجعت في قرارك او ما البديل
تلك النقاط التى لم يفكر بها المسئولون عند اتخاذهم مثل هذا القرار

شرعية القرار
اولا القرار غير دستوري بالمرة لانه يخالف المادة 40 من الدستور المصري التى تنص على ان
" المواطنون لدى القانون سواء، وهم متساون فى الحقوق والواجبات العامة، لا تمييز بينهم فى ذلك بسبب الجنس أو الأصل أو اللغة أو الدين أو العقيدة "

ردة الفعل المتوقعه
اولا النقاب غالبا ما يكون مرتبط بأفكار التيار السلفي والذي يملك اكبر عدد من القنوات الدينية في مصر والذي يملك مجالا اعلاميا في امكانه ان يصنع راي عام او يساهم بشكل كبير فيه
ثانيا اكبر تيار معارضه للحكومة هو الاخوان المسلمون والذين سيرفضون هذا القرار بشده من باب مهاجمة الاسلام واضهادة في بلد الاسلام ويملكون ايضا تعبئة عدد كبير من الجماهير ضد القرار

البديل
البديل وما كنت اراه انه القرار الصحيح في تلك المشكلة وهو تنظيم حالة لبس النقاب بدلا من منعه
· فيمكن للحكومة ان تقصر لبس النقاب بدءا من سن معينه فلا نجد اطفالا صغار يرتدون النقاب
· فرض قيد على كل منتقبه ان تكشف عن وجهها للتاكد من هويتها وشخصيتها كلما طلب منها ذلك عند الضرورة في نقاط التفتيش المصالح الحكومية كالجامعات والمدن الجامعيه واقسام البوليس والمستشفيات ...الخ

وهناك الكثير من النقاط التى يمكن ان تنظم النقاب في مصر فمبجرد ان يجلس خبير قانوني واحد ليفكر في كيفية تنظيمه سيجد الكثير من الضمانات التى تجعل من النقاب شئ سهل وبسيط وغير معقد ومما يتيح للمنتقبة حرية انتقابها وحرية المجتمع في توفير الامن والسلام ..

المشكلة كما نرى يمكن ان نستخلصها من منهج الحكومة في اتخاذ الثلاث القرارات السابقة اعدام الطيور والخنازير ومنع النقاب فالثلاثة متشابهين الى حد كبير من حيث سندهم " اقطع عرق وسيح دم " لا تفكر ولا تحسبلها .. كشكشها وما تعرضهاش .. امنع ياعم الحاج هو احنا فاضيين نفكر .. ليه تشغل بالك ليه ارحم حالك ..

هو إحنا فاضيين نعمل زي الجامعه الامريكية اللى حلت مشكلة النقاب بكل سهوله ففرضت القيود السابقة على الطالبات المنتقبات وعينت حرس نسائي يتولى امور الطالبات المنتقبات والغير منتقبات .. هذا هو الاسلوب السليم في الادارة وفي البحث عن اي حل لاي مشكلة ..

وقد يكون السبب في عدم التروي او التفكير في مشكلة النقاب كما فعلت الجامعة الاميركية مثلا في ان قرار منع النقاب هو قرار سياسي بالدرجة الاولى فقد يكون الازهر يريد ان يحافظ على ريادته للعالم الاسلامي بصده للمد الوهابي القادم من شبه الجزيرة العربية ..

أخيرا كنت أتمنى من شيخ الازهر الذي اسرع في منع النقاب من الجامعات الازهرية ومن بعده هاني هلال وزير التعليم العالي في الجامعات المصرية ان يتحدث حتى عن ملابس البنات الغير محتشمات بنات الميني جيب والكات والبلوزة فوق السرة الملابس التى تستثير الشباب والتى تسهم ولو بـ 1% في نشوب اي تحرشات جنسية ... ان يمنع تلك الملابس وسنده القانوني في ذلك الحفاظ على النظام والآداب العامة وما ينص عليه الدستور في المواد الاتيه :
مادة (9): الأسرة أساس المجتمع، قوامها الدين والاخلاق والوطنية.وتحرص الدولة على الحفاظ على الطابع الأصيل للأسرة المصرية وما يتمثل فيه من قيم وتقاليد، مع تأكيد هذا الطابع وتنميته فى العلاقات داخل المجتمع المصرى.

مادة (12): يلتزم المجتمع برعاية الأخلاق وحمايتها‏,‏ والتمكين للتقاليد المصرية الأصيلة‏,‏ وعليه مراعاة المستوي الرفيع للتربية الدينية والقيم الخلقية والوطنية‏,‏ والتراث التاريخي للشعب‏,‏ والحقائق العلمية‏,‏ والآداب العامة‏,‏ وذلك في حدود القانون،

مادة (22) : يلتزم المجتمع برعاية الأخلاق وحمايتها، والتمكين للتقاليد المصرية الأصيلة وعليه مراعاة المستوى الرفيع للتربية الدينية، والقيم الخلقية والوطنية والتراث التاريخى للشعب والحقائق العلمية، والسلوك الاشتراكى، والآداب العامة، وذلك فى حدود القانون انشاء الرتب المدنية محظور.

هناك 11 تعليقًا:

  1. صديقى سقراط عوده محموده الى ارض الوطن

    نيجى بقا للمفيد

    أموت في الفهلوة المميته ) قالك ادبح ادبح ادبح ... وعبي عبي عبي في تلاجات .. والنتيجه ان مصر مازالت من الدول المتوطن بها الفيروس ..

    لا ومش كده بس انت عارف الحالات اللى كل يوم يعلنوا عنها فى الجرايد دى ما هى الا نسبه صغيره جدا من النتائج الحقيقيه وياريت جات على ان الفيرس استوطن ما احنا عارفين وانت عارف مصر بطبيعتها جذابه واللى بيشرب من نيلها لازم يرجعلها تانى فمابالك بفيرس شرب من دمنا مش نيلنا بس ده قاعد ومستوطن وهيسوطن وهيلم قريبه وباقى العيله ويجى

    بدون اي تفكير وطبقا للقاعدة الادارية الفكيكة " اقطع عرق وسيح دم " صدر قرار منع النقاب ..

    اولا وقبل كل شى لازم اوضح حاجه انه زى ما الازهر حرم لبس النقاب فاحنا كمان ندين على الازهر كبت ومنع الحريات الشخصيه
    ومع اتفاقى وبشده فى منع قرار منع النقاب لاسباب عده ذكرها شيخى يوسف القرضاوى الا انى استنكر على رجل الدين اعتراضه على نقاب فى الوقت الذى ينتشر فيه التعرى

    اجمل ما قرات فى موضوع النقاب ده الرائع بلال فضل فى المصرى بتاع امبارح

    المواطنون لدى القانون سواء، وهم متساون فى الحقوق والواجبات العامة، لا تمييز بينهم فى ذلك بسبب الجنس أو الأصل أو اللغة أو الدين أو العقيدة "
    هههههههههه ضحكتنى هو انت منين يا حاج؟ قال قانون قال


    مادة (12): يلتزم المجتمع برعاية الأخلاق وحمايتها‏,‏ والتمكين للتقاليد المصرية الأصيلة‏,‏ وعليه مراعاة المستوي الرفيع للتربية الدينية والقيم الخلقية والوطنية‏,‏ والتراث التاريخي للشعب‏,‏ والحقائق العلمية‏,‏ والآداب العامة‏,‏ وذلك في حدود القانون،

    ياااااااااااااه اول مره اعرف ان فيه حاجه فى الدستور اسمها الماده 12 بس تقريبا شكلى عرفت متاخر لانها تقريبا مش موجوده او زى ما بقول لحضرتك شكلك من كوكب تانى


    على الهامش:

    ايه رايك فى اخر نفاق سياسى حصل ؟ والنبى نفسى اعرف من امبارح هو اوباما عمل ايه علشان ياخد نوبل
    مش بزمتك انا اول بيها؟
    ما تنساش تقرا الفاتحه لاخونا فى الانسانيه المعذبه بالنفاق الفريد نوبل

    اسفه للاطاله

    ردحذف
  2. مع حبى لمنير الا انى اكره وصفه بالملك ولكن اصفه بحاله خاصه جدا ونادره وصادقه قادر على ان يحتل عقلك ويذهب به بعيدا الى حيث اراد

    وبعدين يرجعك تانى لتسال نفسك سؤال

    ايه اخرت الترحال معاك يا منير؟

    نفسسسسسسسسسسسسسى ابطل اسمعه

    ردحذف
  3. الشيخ القرضاوى

    عندما اراه اتذكر قول رسولنا صلوات الله عليه

    المؤمن هين لين سهل

    ردحذف
  4. Nicolas Cage

    i have no word to descibe him with it just

    the rock

    ردحذف
  5. اهلا داياموند اسلوبك الجميل الفكاهي دايما منور المدونة السودا دي :D

    للاسف انا من ساعة ما دخلت الجيش نسيت حاجه اسمها صحافه وكويس بصراحه عشان الواحد دايما بيكتئب قليلا من الاخبار والدنيا خصوصا لما تمسك الدستور
    ماعلينا والله كله بيسال هو اوباما اخدها ليه انا عن نفسي شايف انهم بيقلوله نوبل واخدتها بدون حتى ما تعمل سلام اقعد بقى واركح وميع القضيه وميع السلام واديك قاعد اهو وتمام التمام
    بجد انا صعبان عليا المقدس نوبل اللى لو عايش بينا كان انتحر من اللى بيحصل في جايزتة

    بقولك ايه ما تلعبيش في عداد عمرك كلي عيش وربي عيالك ملكيش دعوه بمنير منير ملك ملك ملك ملك ملك

    ردحذف
  6. السلام عليكم

    تدوينة جميلة وجهد رائع يا مصري أحييك عليهما.

    قد أختلف مع وجهة نظرك في بعض النقاط ، ولكني لا أختلف معك أبداً في أسلوب الإدارة العقيم الذي تدار به حياتنا ناهيك عن الأزمات.

    تحياتي

    ردحذف
  7. كل سنه وانت طيب يا سقراط

    عيد سعيد

    وعيال مليووووون سنه

    والسنه اللى جايه تكون حققت كل احلامك اللى انت كربان عليها
    هههههههه فاكر

    ردحذف
  8. دة ايه الروقان اللى انت فيه دة
    دة الموضوع الاسود دة من ساعه ما انفتح ومش بشوف فيه غير صريخ وزعاق وتكفير وتجهيل
    ولا حد واحديوحد ربنا اتكلم بالعقل ولو حتى اتكلم صوته يا عينى مش هيطلع فى وسط الزيطه دى
    او هيلاقى اللى بيتهمه من الناحيتين
    ربنا يكملك بعقلك يا عم الرايق

    ردحذف
  9. شكرا اخي وصديقي العزيز الدكتور هيثم على حرصك الدائم على التواجد هنا في مدونتي ولتعليقاتك الجميلة

    ردحذف
  10. داياموند
    =========
    وانتى بصحه وسلامه يا عزيزتي الغاليه
    وشكرا على انك فاكرة يوم ميلادي
    طبعا فاكر احلامي اللى كربان عليها
    جميلة قوي كربان
    تقريبا دي ما اتقالتش من سنه 70 هههههههههه
    D:

    ردحذف
  11. عزيزتي صفاء
    ============
    للاسف احنا بنفتقد ثقافة النقاش لاننا داخلين نتناقش عشان ننتصر لوجهة نظرنا وعرضنا فقط دون الاستعداد لسماع الطرف الثاني لعلنا نستفيد منه بمعلومه او بوجهة نظر صحيحة ربما هي اصح وافضل من وجهة نظرنا
    فتنقلب ساحه النقاش الى ساحه معركه يستخدم فيها كل طرف اسلحته لفرض وجهة نظره الخاصه محاولا تفتيت وجهة النظر الثانيه

    ردحذف

اخي واختى
الاختلاف في وجهات النظر لا يفسد للود قضية