عدد الزوار

free counters

الأربعاء، مايو 20، 2009

سيد العاطفى ... عاطفى قوي


لا مش اللى في دماغ خالص وبعدين انت مش شايف اول صورة شكلها ازاي
يا راجل فيلم سيد العاطفي دلوقتي بقى بالذمة انا افتكر فيلم سيد العاطفي المسخره دي والهيافه والوطن بيمر بازمة تاريخيه
سيد العاطفي هو كل مصري تعاطف وساند الوطن في هذه الكارثة الشديدة

لقد اعلن التلفزيون المصري الحداد 3 ايام
وليس ببعيد ان يفاجأنا احد اللاعبين غدا مع استئناف الدوري الممتاز بان يرتدي تي شيرت يعبر عن تعاطفه ومساندته للوطن في الكارثة الخطيرة التى نمر بها الان ويظهرها لنا بعد احرازة لهدف ما

صدقني يا اخي هذه المرة الكارثة كبيرة

لقد رايت قنوات
ميلودي افلام ونايل سينما والمحور وموجا كوميدي ونايل كوميدي

حتى القنوات الرياضية مودرن سبورت 1 و 2 ونايل سبورت وقناة الحياة بالتاكيد وغيرها ممن اعلنوا الحداد وعرضوا للاغاني الدينية وبعض من ايات القران الكريم

انها هذه المرة مصيبة اكبر من كارثة العبارة التى راح ضحيتها اكثر من 2000 مصري
نعم اكبر

انها اكبر من ازمة القمح المسرطن الذي غزا السوق المصري واكبر من ازمة انفلونزا الطيور وانفلونزا الخنازير كمان

واكبر من ازمة عرض الاسرائيلين لفيلم اعدام الاسرى المصريين في حرب 67 و
قتل حرس الحدود الاسرائيلي لكثير من الجنود الاسرائيلين والفتاة السيناوية داخل حدود مصر

اكبر من ازمة المراكب المصرية التى يقوم القراصنه باختطافهم بشكل دوري


واكبر من ازمة مرور القطع البحرية الامريكية من قناة السويس متوجهه للعراق الشقيق لتقتل وتعبث بالشعب وتقتل الاطفال كالدجاج

نعم اكبر من ازمة الحصار الذي اقيم على غزة ومات الكثير من الاطفال لان اخوتهم يمنعون عنهم الغذاء

انها حتى اكبر من كارثة تعدي جنود الامن المركزي على القضاه المصريين في ساحات دار القضاء العالى
واكبر من ازمة موت بعض المواطنين في طوابير العيش

نعم انها كارثة خطيرة
وفاة حفيد الرئيس محمد حسني مبارك

حفيد الإله

الجمعة، مايو 01، 2009

انفلونزا الخنازير .. والنظام الحاكم .. وoutbreak


ظهرت هذه الايام انفلونزا الخنازير او حمى الخنازير في المكسيك ويبدو انها اشرس من انفلونزا الطيور في سرعة القضاء على حياة الانسان الذي ابتلي بذلك المرض العنيف ...
عقدت جلسة خاصه لمجلس الشعب نوقش خلالها خطة الحكومة في مواجهة تلك المصيبة خاصه وان مزارع الخنازير محيطة بالقاهرة من كل جانب وظهرت ثلاث حالات في ميدان لبنان او بفرض انه لم تظهر حالات في مصر .. الا يجدر بنا ان نحتاط ونفعل الحكمة القائلة
الوقاية خير من العلاج ... وبالفعل صدر قرار جمهوري باعدام الخنازير .. ولكن ظهرت مشكلة التعويضات لاصحاب تلك التجارة - تجارة الخنازير -
والرجل العادي الذي يربي الخنازير في بيته .. والحكمة كانت من وراء هذا القرار حصر واحتواء المرض حيث ان لم ندفع تعويض لاصحاب تلك الخنازير
سيخفونها كما حدث في قصة انفلونزا الطيور .. ظهرت الاصوات التى تقول :
تعويض ايه ؟ الخنزير اساسا حرام ؟
يعني هما كانوا عملوا تعويضات ساعه الطيور ؟ ده اكيد ضغط على مصر عشان الخنازير دي بتاعة المسيحيين
ولكن بعيدا عن حرمانيته بالنسبة للمسلمين وحله بالنسبه لغير المسلمين كالاخوه المسيحين واليهود -ان وجدوا في مصر الان- الفكرة هنا هي تحفيز كل من يملك خنزير الى تقديمه للدولة لاعدامه حتى تكون مصر منطقة خاليه من المرض .. ظهرت تساؤلات جديدة
دلوقتي ما هو ممكن اي دكتور بيطري يظبط الورق ويقول فلان قدم عدد مش كام خنزير وعلى اثره يستحق تعويض مش عارف كام والدكتور هنياله بقى هيطلع من الليلة دي بمبلغ كويس ؟
وليه لأ ما هو فعلا يقدر يعمل كده سؤال تاني طرح نفسه وانا طرحته من زمان قوي يجي من 7 او 8 سنين

هو احنا عندنا فريق طبي سيبكم من فريق طبي عندنا سيستم قادر على احتواء المرض لو ظهر في منطقة معينه ؟
متهيالي لأ لاننا دخلنا مستشفيات كتير ولينا اصحاب كتير في كليات طب في مختلف نواحي الجمهورية والنظام الطبي في مصر تعبان على الاخر
اقربهالكم شوية .. انا السؤال ده سالته من 7 سنين ليه .. لاني اتفرجت على فيلم outbreak بتاع داستان هوفمان ومورجان فريمان ما علينا قصة الفيلم ده
ان في فيروس انتشر من خلال قرد افريقي والفيروس ده مكنشي ليه علاج لان القرد - العائل - مكنوش لاقينه المهم انا اساسا اترعبت لما شوفت الفيلم
لاني تخيلت ان الحاله دي حصلت عندنا وتخيلت امكانياتنا ساعتها ودلوقتي كمان ممكن تسعفنا ولا لا وقمة النظام في مواجهة الحاله دي اللى ظهرت في الفيلم
طبعا منسيتش انه فيلم لكن للاسف تذكرته الان لانه مش بعيد يحصل كده طبعا ربنا يسلم .. الفيلم كانوا بيبحثوا عن القرد عشان ياخده منه العلاج .. مابالك بمرض ملوش علاج اساسا يعني اللى بيصاب بيه بيتكل على الله
قرار اعدام الخنازير تقريبا هو افضل قرار صدر من مؤسسة الرئاسه طوال فترة حكم مبارك وربنا يسهل ويتنفذ ..
للاسف بعد الاسئلة التى طرحت عقب التحدث عن التعويضات لاصحاب الخنازير وقصة احتمال فساد بعض المؤسسات فيها - قصة الدكتور البيطري - وحكاية الفريق الطبي


اقدر اقول ان مفيش نظام في مصر البلد بايظة بايظة بايظة والدليل ان الناس مش واثقه في النظام لانها كالعاده لما طرح موضوع التعويضات قالت المرة دي تعويضات عشان امريكا ضاغطة على مصر عشان تحمي المسيحيين ..
ولما طرح موضوع فساد بعض المسئولين المحتمل انه يزور ويقدم ورق يثبت لنفسه بيه تعويض بانه كان يمتلك خنازير ..
تفتكروا ده منظر بلد ممكن يواجه مرض زي ده او وباء زي ده
ربنا يسلم