عدد الزوار

free counters

الثلاثاء، ديسمبر 09، 2008

احنا معندناش دولة ..

" النائب المستقل مصطفي بكري أكد أن شيخ الأزهر عندما صافح شيمون بيريز بكلتا يديه
وبهذه الحرارة والابتسامة تعلو وجهه وظل يتحدث معه فهذا تطبيع سافر من رمز ديني يمثل أكبر مؤسسة إسلامية في العالم الإسلامي، كما أن ذلك يأتي في الوقت الذي يعلن فيه البابا شنودة رفضه أي تطبيع بل ويطلب من الحجاج المسيحيين عدم الذهاب للقدس للحج... "


طب ما هو مبارك كل شوية بيستقبلهم على ارض سيناء اللى روتها دماء الشهداء وبيقعد يضحك سيادته ويتمسح فيهم وكأنهم اصدقاء طفولته او اخوانه العرب او المسلمين ..
جايين على شيخ الازهر اللى لا ليه في الطور ولا في الطحين
يعني كل واحد عامل كبير وناقد وصحفي محصلش وبيخبط
في شيخ الازهر ولا ابو الغيط وزير الخارجية ..

ما عندكم الرئيس
ده الطنطاوي نفسه قال ما هو رئيس الجمهورية نفسه بيسلم عليهم كل يوم ..
صحيح الرئيس سياسي والشيخ رمز ديني
لكن من امتى شيخ الازهر ولا اي مسئول اليومين دول يعتبر مسئول فعلا عننا ..
لا شيخ الازهر يعبر عن الازهر والمسلمين ...
ولا مبارك نفسه يعبر عن مصر والمصريين ..
البلد بايظة اساسا ...
وبتاع السعودية اللى دعا للمؤتمر ...
اللى مش قادر ومش طايق و(عايش ومش عايش ) يتكلم ويتحاور مع ابناء دينه الشيعة وبيكرههم ولما يقفوا ويحاربوا العدو الصهيوني في جنوب لبنان اللى هو نفسه دعا وحابب
وطايق ونفسه يتحاور مع الغربيين والصهاينه يا اخي انت ايه مفيش تفكير خالص .. العقول راحت فين ايه الحكام الاغبياء دول ...
احنا خلاص معدناش في دولة ...
العقد الاجتماعي انتهى ...
المسئولين مش مسئولين ... والشعب ما اختارهمش
احنا محتلين ... بجد محتلين مش قادرين نواجه نفسنا ليه بكده .. يا سيدي الاحتلال مش لازم يبقى من عنصر اجنبي ... يا ناس ايه الغباء ده ..
هو لازم يبرطم بلسان غير لسانك عشان يبقى محتل ..
خلاص معادتش ينفع لحل سلمي ولا حل فيلمي ..
تطلع في مظاهرة هتنضرب ..
تقف وقفه احتجاجية هتنضرب وتمشي ..
ايد ورا وايد قدام ..
اللى خلا القضاه انضربوا ..
يا جماعه والله العظيم احنا مش عايشين في دولة ..
انا من هنا ورايح اللى هيسالني انت منين او دولتك ايه
هقولة انا من حته اسمها مصر شمال شرق افريقيا .....








احقاقا للحق ابراهيم عيسى من ضمن القلائل اللى اتكلم قبل كده على اسلبو تعامل مبارك مع الاسرائيلين وكانهم احبابه
عشان هو راجل محترم وبيقول الحق وملوش سقف مش زي ناس تانيه ... بتيجي على البردعه وتسيب الحمار ...